خلونا نتفلسف شوي.........الله يستر

هالموضوع موجه للمتفلسين((وغير المتفلسفين)) فالمنتدى يعني اللي يحب يعبر عن وجهة نظره بشكل مفصل ولا اقصد بالمتفلس هنا الإعابه على الشخص فقد جاءت هنا بصيغة المدح ((متفلسف))اي عنده المقدرة الانشائيه على التواصل في هذا الموضوع والاستمراريه على سياق واحد


والموضوع بكل بساطة


كل واحد يكتب راية فالزوج؟؟؟؟؟؟؟؟؟؟؟


بكل بساطه مميزات الزواج سوى المبكر او المتاخر


بشكل عام كل انسان ونظرته للزوج


متى تبي اتزوج او ناوي تتزوج


شنو اهم شي عندك فشريكة حياتك



السوال المهم ((الجمال)) هل هو مهم بالنسبه لك



((لكم حريه التعبير ))




تحياتي القلبية لكم ..........

السلام عليك اخويه علي..

خلاص ولايهمك بنتفلسف عشان خاطرك..

بصراحه انا رايي ان البنت تتزوج وهي صغيره يعني18 لين 25

احسن والريال من 21 لين اي وقت هو يحبه..

واذا تبا رايي فالزوج فأنا اقول انه الحرمه هي اللي تكسب الريال باسلوبها وبهتمامتها بنفسها (كل يوم تتعدل وتزقرت وتكون غاويه) حق زوجها مش بس للظهره برع البيت الكشخه والتعدل وفالبيت تروع ريلها .. بهالشي الريال ما بيطالع غيرها ولابيفكر يتزوج عليها لانه بيجوف ان عنده وحده تسوى الدنيا وما فيها..والريال يحب انه الوحده تسمع كلامه واطيعه وما تخالف شوره..

وبصراحه كل بنت تتمنى تتزوج ويكون عندها شريك حياتها اللي بتقضي معاه عمرها كله..واهم شي فالزواج التفاهم..

يعني مثلا اذ الريال وده يظهر ويا ربعه قبل لا يظهر من البيت يقول حق حرمته تراني بظهر وبرجع هالوقت واذ جفت عمري بتأخر بتصلبج وبطمنج هنيه الحرمه بترتاح وبتكون مطمنه على زوجها لانه اصعب شي على الحرمه المحاتاه ..

ومثلا الريال كان امره معصب لآخر درجه على حرمته المفروض هي تسكت ولا اذا بترد ترد عليه بصوت هادي مش بصريخ عسب الريال يهدا شوي ويخف عصبيته(الريال يقول وايد كلام ما يقصده وهو معصب ويندم عليه عقب) لانه اذا الاثنين صرخوا مستحيل تنحل المشكله..

والشي الحلو اللي الريال لازم يسويه انه يشور حرمته ف بعض المواضيع عسب تشاركه براييها بتحس انها مهمه فحياته..

من وجهة نظري انه الجمال شي حلو انه يكون فالزوج والزوج بس مش الشي الاساسي لانه الانسان المفروض يشتري جمال الجوهر (الروح والفؤاد) وتبا الصدق الزوجه تجوف ريلها حلو لانها تحبه لو كان مافيه ذرة جمال..

هالاشياء ف بالي الحين واذا عندي اضافات لي رجعه للموضوع وانا كاتبه هالرمسه من تجارب خواتي فالزواج واللي يسونه لرياييلهم فأستفيد منهن..

تسلم وما قصرت ع الموضوع اللي شد انتباهي الف شكر لك اخويه علي

دايما مبدع ما شالله عليك..


السمووحه منك ع المغثه لاني طولت وايد

شكراً اختي امووووووووت فالعين

دائماً سباقه في المشاركه


نقاط حلوه بس المشكله من منا راح يسوي كل هالاشياء مثلا:-

يعني مثلا اذ الريال وده يظهر ويا ربعه قبل لا يظهر من البيت يقول حق حرمته تراني بظهر وبرجع هالوقت واذ جفت عمري بتأخر بتصلبج وبطمنج هنيه الحرمه بترتاح وبتكون مطمنه على زوجها لانه اصعب شي على الحرمه المحاتاه ..

((طبعاً بعض الرجال وليس الكل يجوف انه من العيب ان مرته اتنشد عنه وين بتروح ومتى بتعود البيت ويجوف هاي الاشياء من الدخول في خصوصياته وهالنظره اكيد بيكون مكتسبها من فترة العزوبيه بشكل اوضح ((_في فترة العزوبيه تحصلينه يدور ويطلع ويسافر وماعنده مشكله محد يسال عنه ولا يسال عن حد free man))هنا تبدى المشكله بين الطرفين فالبنت بطبيعه الحال لو افترضنا انها بيتوتيه ماتطلع وايد من البيت فتلقائيا راح تتفاجى بالفوضى اللي عيشتها مع ريلها ومع انها كانت عايشه هالحاله مع اخوانها بس ماكانت تلاحظ حرقت القلب))


تحياي لج امووووووووووت فالعين


كان ودي اطول بس...........


نقاطج كفت ووفت..............



تحياتي.............

تسلم اخويه على ردك الغاااااااااااااااااااااااااوي ووما قصرت كلامك صح وانا احترم وجهة نظرك..