( كيف من حبك أتوب؟)

ألا كيــف ذا المجـرم .. يقتــل النــاس بأهــداب
ســفـــاح رمـــش فـي عينــه الـمــوت مكتــوب

شــفايفــه كرز تفــاح .. لا حكــى يلقــي خطـاب
دموعــه قطرات شهد .. وريقه عسل مصبوب

إن تكــبر أو تبخــتــر .. لا مــلامــه لا عتـــاب
دام إنــه صغـير السن .. والحلا مـن كل صـوب

يازين ما فيــه شيــن .. يا جمــال بــلا حســاب
يا ناعم الطرف والكتف .. يا مخلوق بلا عيوب

اللثام زادك جـمـال .. و ما خفــى حسنـك ثــياب
من غنـج ومــن دلال .. في خــطاك كنــك تذوب

لو أكتب فيك ما أكتب .. تراني صــادق وكذاب
تراني مقصر فحقك .. ووصفك فالشعر محجوب

و لا جيت أهديك القصيده .. القصايد لك تهـاب
رحت الملـم أبياتي .. تــايــه والـعقــل مســلوب

انا أتحداك تغلبني .. وتـدري إن الهـوى غلاب
تمـكن في شرايني .. وصرت في حبك المغلوب

تسألني ليـش أحبــك .. والهوى مالــه اسبــاب
مو بكيفي أو بكيفك .. تــراه يدخــل فـي القلوب

أه لـو تــدري بحبــك .. كيـف أهرمنـي الشبـاب
اسر قلبـي وطيفـي .. وصـار يلعب بــي لعــوب

أغارعليك من ربعك .. ومن خواتك والصحاب
ومــن فـراش تنام عليه .. والوساده والعطوب

ومن عبايه على كتفك .. ولا لامس قدمك تراب
ومن كاس يلمس شفاتك .. إذا احتسيت مشروب

يوم شفتك وأنفتح لي .. من السعــاده كـل بــاب
اشرقت شمسك حياتي .. ما عرفت لون الغروب

ليـت حبـــنا قصـــة .. وحوتهــا صفحــة بكتاب
لأ قـراها ألــف مــره .. بالعـــدل و بالمـقلــوب

قلبي حجـر صــوان .. وبنظــرة عــيونـك ذاب
كيـف مـا أحبـك حبيبي .. والـحلا من كل صوب

مـا تبـت مــن حبــك .. وخـافقـي عنـك مـا تاب
ودام إنــي مــو نبــي .. كيـف مــن حبـك اتـوب

جيت أنا زاير لأهلك .. يا عســى نصـير أنسـاب
تحمل أسمي يا حبيبي .. وتبقى حلالي المكتوب