رفيق دربك

الردي حاسب يارفيقي لاتخاويه=ترى رفقته ماوراها إلا البلاوي..
خلك عنه بعيد ولاتفكر تعاديه=تراه على الشر والخطأ ناوي..
أول أعرف أوله ويومه وماضيه=بعدين حلالك لو ودك تخاوي..
الزين ليرافق الردي مثله نسميه=نقول هذا اللي ذارع رفيقه عاوي..
وحاسب ياخذك لطريق الشر تخليه=والله انه بالنار والجمر كاوي..
ولو جاك بدون عذر حاسب تصافيه=جيته هذي أكيد وراها بلاوي..
ولو صار حاول بالكلام تجاريه=يمكن تعرف مراده بعدها ممكن تخاوي
بس نصيحه دير بالك لا تعاديه=لان الزله ماينساها وعلى ردها ناوي..
ترى هالاشكال قدره أنك تجافيه=لانه لصفحه الخير والصلح تراه طاوي..
بالله عليك هذا الرفيق وشتسميه=صديق وفي ولانذل خسيس وعاوي..
خلك مع اللي يستحق انك تخاويه=رفيق دربك اللي لدربك نور ضاوي..
هذا اللي يستحق أنك تقدره وتشريه=وهذا اللي للخير ينوي وناوي

يعطيك العافيه دمعة حزن

صح لسانك

مشكوره دمعه حزن على الكلمات الرائعه

لاهنتوا على المرور
:
ولاحرمنا هذي الطله