مرحباً بك في منتدى عشقان

إذا كانت هذه الزيارة الأولى لك ، فضلا قم بزيارة الأسئلة الشائعة بالضغط على الرابط ربما يجب عليك التسجيل قبل البدء بالمشاركة أو زيارة المنتديات . لكي تكون قادراً على تصفح المنتدى ، بإمكانك إختيار أحد المنتديات الموجودة بالأسفل وتصفحها . مع تمنياتنا للجميع بتصفح ممتع بإذن الله.

العودة   منتدى عشقان >

*¤ô§ô¤*~ المنتديات الادبيـة ~*¤ô§ô¤*

> عشقان القصـص والروايـات

المشاركة في الموضوع
 
خيارات الموضوع بحث في هذا الموضوع طريقة العرض

قديم 08-13-2011, 08:55 PM   المشاركة رقم: 1
المعلومات
الكاتب:
سوألف ريومه
اللقب:
عشقان بدأ يشارك
الصورة الرمزية
 
الصورة الرمزية لـ سوألف ريومه

البيانات
التسجيل: Aug 2011
العضوية: 25402
المشاركات: 2 [+]
بمعدل : 0.00 يوميا
اخر زياره : [+]
معدل التقييم:
نقاط التقييم: 10
 

الإتصالات
الحالة:
سوألف ريومه غير متصل
وسائل الإتصال:

المنتدى : عشقان القصـص والروايـات
Post سوالفْ ضيعتي يا ريم .. !


يسعد لي مسائكم /صباحكم .. أحيكم بـ تحية الإسلام ..
...: السلام عليكم ورحمة الله وبركاته ..

هذه أول رآوية لي وإن شاء الله تنال على إعآجبكم ولدعـم تجشيعكم .. آمل بأن تحوز على رضائكم ..
هذه رواية .. تختلف بـ أسلوبها نمطها وحتى أفكارها ..


سوالفْ ضيعتي يا ريم ..!












عرض البوم صور سوألف ريومه   الرد مع إقتباس

قديم 08-13-2011, 08:57 PM   المشاركة رقم: 2
المعلومات
الكاتب:
سوألف ريومه
اللقب:
عشقان بدأ يشارك
الصورة الرمزية
 
الصورة الرمزية لـ سوألف ريومه

البيانات
التسجيل: Aug 2011
العضوية: 25402
المشاركات: 2 [+]
بمعدل : 0.00 يوميا
اخر زياره : [+]
معدل التقييم:
نقاط التقييم: 10
 

الإتصالات
الحالة:
سوألف ريومه غير متصل
وسائل الإتصال:

كاتب الموضوع : سوألف ريومه المنتدى : عشقان القصـص والروايـات
إفتراضي


السالفْه الأولى ..




بالريآاض .. السآعه 6 وربع صبآحآاا




وتحديدا


بقرية التعميم
×







دنيآاا متنآثره فووق بعض .. الكتب مرميه بالأرض وبعض الأوراق المقرطفه بإهمااال .. فتحت البآاب وهي بتتجمد من البرد الغرفة ظلام × ظلام
والمكيف البارد .. سحبت الستآآآرة ونثرت الشمس أشعتهآا بأنحاء الغرفة .. سحبت اللحاف منهااا وهي تصحيهآااا



أم وليد: ريم .. يمي ريم قووومي ..
ريم: همممممم ..
أم وليد: بسك رقااد يايمه قومي ..
ريم: يممممه خليني مانمت إلا ثنتين بالليل ..
أم وليد: اقولتس اكسري شر وقووومي ..
ريم: اوووووووووووووف .. حتى رقاد ماتهنى فيه ..
أم وليد: يا عتساس اللي مانيب بقايله .. قومي توضي .. اخوانتس يستنونتس ..
ريم: طيب يمه والله بقوووم .. بس5 دقائق ورجعت نامت ..
سحبت اللحاف منها: بتقومين وإلا طشيت هالماي على راستس ..



ريم فتحت عيونها وقامت بتعب: زين زين قمت ..وبعدت اللحاف .. وتمقطت وأنا اتثاووب واصك فمي .. وقمت ودخلت الحمام ..تروشت على سريع أعرف امي ماغير تحن على راسي لين ما اخرج .. يالله هااااانت يا ريم آخر السنة .. وأصلاً مابقى شيء على الإختبارت النهائية غير شهر الله يصبرني بس .. فتحت باب الحمام وشفت امي ماهي بـ غرفتي .. غيرت لبسي ولبست ميرولي .. و بعدها صليت الفجر .. تركت شرشف الصلاة و السجادة على مكانها .. والله مـ فحالي اسوي شيء .. ودي ارقد واشبع نوووم .. بس الشكوى لغير الله مذلة .. لبست عباتي على راس وخذت شنطتي ونزلت من الدرج .. شفتهم جالسين بالـأرض والفطور شيء جلست وبديت أكل سندوتش بالجبن ..





وليد ببتسامة: صح نوووم ..
ريم وفمها مليان أكل .. وشربت الحليب البارد وقعيته مره وحده:صح بدنك .. أقووول وليد وش رأيك اغيب واروح معك ..
سلمان: الله يقرفقك اكلي بشويش .. الاكل ماهو بـ طاير ..
ريم مطنشته: ها وليدووه وشقلت ..
وليد رفع حواجبه: وش وليدوه ..
قامت من مكانها وهي تبوس راسه: آسف طال عمرك .. بس طالبتك رجيتك لاتنخيني رجيتك ياخوي ..
وليد ابتسم بداخله: عطيتك ..
راحت له وباست راسه: كفووو يا وليد .. صدق صدق يمه .. ربيت رجاجيل ..

أم وليد: اقول ياوليدي ودها لمدرستها .. مابقى شي على إختباراتس ..
ريم: وليد اقنع امك .. أنا بـسيارتك .. وعلى طول خرجت من الصالة .. وعلى سيارة اخــوي .. ومن طفاقتي نسيت مفتاح السيارة ماخذته .. جلست بدرج انتظر اخـوي وليد يجي ..

وليد: ريــــــــم ..
ريم: نعم ..
وليد: يالله سرينا ..
ريم: صدق بنروووووووح ..
وليد ابتسم لها بحنان: ايه .. يالله بسرعة لا غير رأيي ..
ريم قمت: لالالا وش تغير رأيه .. وفتحت باب السيارة وجلست بالمقعد .. ودخل من بعدها وليد ..
ريم: ونااااااااسة ..
ابتسم وليد: ها وين ودك تروحين ..؟
ريم: شوف يالحبيب ابي اتمشى ووووووووين مدري ..
وليد: ههههههه طيب ..

وهذاي حيآتي بشكل مبسط





×

ايه صح نسيت اعرفكم على نفسي معكم ريم فتاة سعودية الأصل هههه
اما حيآااتي فهي من المدرسة للبيت وإذا مرة عند شهووووود بنت خآآآلتي فديتهآاا


عمري 18 السنة .. من نآحية جمالي نآعمه وجذآبه وجسمي ريآااان يعني بالعربي لا نحيفه ولا متينه .. وبالنسبة لطولي تراني موب طويلة اهئ اهئ وهذا اللي معقدني ..
وابشركم اني مطفوووقه ومرجوجه واللي براسي اسويه يعني عنيده نمر ون ..... ترآآني حبوبه وايه صح فضووووليه والله يعنيكم علي هههههههه ..
بشرتي لونهآا بيضآاااء طالعة على امي فديت راسها وعيوني مآيله على العسلي هههههه حلوه مآيله لا عنوني نعسآنه مثل عيون ابوي الله يرحمه .. أما شفآيفي صغيرونه ونآعمه ..
وسبحآانك تنآقض بصفآتي وملامح وجهي هههههههه ..


ونبدأ بتآج العايلة ابوووي انسان كريم لابعد حدود لكن للأسف متووفي من كنت بالمتوسط ..

امي ياحيآة روحي يايمه انسآآآآآنه حبوبه ولطيفة لكن ماتسكت ابد عن الحق .. وانا اشوف طالعه على منووو هههههه .... وحنونه فديتس ياميميتي ..


أخوووي وليد: انسان عصآمـي وقليل مايتكلم لكن حنووووووون هو ابوي ثانـي واخوي وعزوتي وسندي بالحيآة ... عمره 25 السنة .. مايرضى بالغلط ابد ..

وبعده اخوي سلمان يكبر مني بسنتين تقريبآ 20 السنة هههههه فرفوووش ودمه شربآآآت ... اربع وعشرين سآعه انا وهو هآووش × هآوووش ..


عمآني


عندي 3 عمآن وعمه وحده بس


عمي لطفي ياحبني له بس زوجته قشرررررررا ما اطيقهاااا .. هو وعيآله عاشين بالأمآرات يآ حافظ خبركم عتيق عمي متزوج امارتيه هي ووجهها ما اطيقهااا
مانتحك فيهم واااجد ..


عمي يوسف فديته وفديت مرته يآ نااااااس .. احبه هالأنسان طيب وكريم واخلاقه حيل حلوووة ..
زوجته خالتي إلهام .. عيآلهم

عبد العزيز .. هو واخوي وليد أصحاب وعمره 25 السنة
بتول ريفجة روحي وتوأمي لكن تدرس بالمدرسة النموذجية .. عمره 18 السنة .....


وبعدهااا ابوي


واخيرا عمي وسيم يدرس بالخآرج .. فديته هالعم احبه حيـــــــــل ..


جنان هالعمة فديتها احبهااا لكن للأسف متزوجه من بغداد وعايشه هناااك ..











بالمدرسة
×
وبسآحة الطآبور الصبآحي




شهد: ذي وينهاااا مالها حس ..
أبرار: والله مدري وش فيها مع اني البارح اتصلت عليها وقالت لي بتدوااام ..
شهد: اوووووووووووف ..

وصفرت وبدأت الإذاعة الصباحية ..





مها: بنااااااااات لا يفوتكم طالعوووا سلمى ..
دعاء ضربتها على جنب: بنت اسكتي ..
شهد: جاااااااك الموت يا تارك الصلاة ..

ابله سلمى: ثااااااااااالث خلاص مو كفاية إذاعة ماجبتوووا وبعد تقلووون ادبكم ..
شهد: ياااا ابله هي معي علينا اليووووووووووووم ..
دعاء: اقووووووول اسكتي ناقصة وجعة راس اليوم ..
شهد: وأنا صآقة وبعدين سآكت عن الحق شيطآان اخرس .. وانا موب سآككته ..
دعاد: زين اذيتناااااا ترى ..
شهد: اووووووووف والله حراااااام خلاص طفشت ..








بسيآرة
×


ريم: وليد ..
وليد: هلا ..
ريم: امممممممم اليوم ماعندك شغل ..
وليد: لا استأذنت من الدوام لا تحتاين ..
ريم: طيب خذني على البارنيز نفسي في مووووكا ..
وليد: غالي وطلب رخيص ..
ريم: الله لا يحرمني منك ياخووووووي ياعزوتي أنت ..
وليد ابتسم ..




وقف سيآرته بالبآرنيز وطلب موكاا ..
ما استغرق طلب إلا ثواني .. ووليد وهو يمد له الموكآا البآرد: تفضلي ..
وهي تأخذه وتقعه مرة وحده: ياخـي الله ينصر دينك ..
وليد: ههههههههه .. ريووووم
ريم: خلاص بصك فمي . اقوول وليد ..
وليد: نعم قولي يـ آنسه ريم ..
ريم ابتسمت له: إذا نجحت وش بتجيب هديتي ..
وليد: امممممم خليها مفأجاة ..
ريم: دام كذا أجل وصلني للمدرسة تصدق انها وحشتني ..
وليد: عاد لا واصيك على دراستك ..
ريم: إن شاء الله ..



وغير طريقه وليد ووصل للمدرسة .. خذت شنطتي ونزلت .. شآف الحآرس أخوي وناده يفتح لي باب المدرسة .. ماراح اخوي إلى يوم دخلت .. فتحت طرحتي وانا اهف ياررررررربي حرر .. ما دريت إلا الوكيلة نجآح قدامي: حمدلله على سلامة

وقف قلبي من الخرعه: اووووف ..
نجاح: نعم وش قلتي ..
ريم ابتسمت لها ابتسآمه كرتونية: ابد سلامتك ..
نجآح: اقوووووووول لا يكثر وامشي قدامي أشووووف ..




مشيت ودخلت غرفتها سيده .. عطتني دفتر كتبت اسمي والسبب: تآخرت بقومتي من النووووووم .. اي هين بآين من عنوني .. واخذت لي كم زفه منها ..


دقيت بآب فصلي يقآال اني مؤدبه >> من جنبهآاا




سلمى: نعم استـآذة ريم ..
ريم: احم احم ابله البآص تأخر علي ولا انا جآهزة من بدري ..
شهد اللي تأشر لها: سـلام ..
وانا ارفع يدي ولوح لها ورد سلام وانا ابتسم ..
سلمى طقت طاولة بعصبية: لا والللله خووووش متأخرة وفوق كذا تتسطبعطين ..
ريم: لا ابله بس يدي تعورني وانا امسك شنطة وقاعدة اسوي تمرين شوووفي ابله وانا ارفع يديني ..
سلمى: بـــــــــــــــــــــس اشوووووف .. يا تجلسين بإحترام ياتطلعين براااا ..
ابتسمت: لا وش دعوة يا ابله بجلس .. وجلست بالكرسي المخصص لي ..


وانا اساسر شهد: شهوود كم لكم ..؟
شهد: 10 دقائق والله كبدي صآرت تلعب ..
ريم: ايه عندي وعندك خير ..


سلمى: انتوووووووووا وبعدين معآكم .. انتي اشوف طلعي برا اا ..

انا: ابله والله ماسويت شيء ..
سلمى: قلت لك طلعي براااااااا اشوف ..
انا: والله والله ابله ماسويت شيء ..
سلمى: لا تطلعيني من طوري طلعي براااا اشوف ..

ريم: حاضر ابله .. مع سلامه شهوود اشوفك بالفسحه .. وانا اغمز لها ...









بالفسحه
×




شهد: وش فيك اليوم ..
ريم: ابد بس طفشت ياختي ذي سلموووووه بتجيب اجلي صوتها والله عالي وانا امسح اذني: وبعدين وانا خيتك سمعي رقيق ولا يتحمل هالأصواااااااااات ..
دعاء: ههههههههههههههههههههه بس والله عجبتيني تمرين ..
شهد: ايوه صح .. ريوم اعقلي مابقى شيء على الاختبارات ..
ريم: ياختي ماتشيلش هم .. المهم خلوووننا نفطر ترى حدي جووووووعانه ..
شهد: والفطور جاهز بس وين نجلس ..
ريم: لا يكون جبتي شاهي سواة امك ..
شهد: ايه ياحبيبتي من يوم قلت لأمي وهي تسوي لك ثلاجه مخصوصه لك ..
ريم: ووووووووووه فديتها خالتي .. أجل سمعوا خلووونا نجلس تحت درج لاحدن شآآاف ولا حدن درى ..
دعاء: زين سريناا ..





بسطوا فطورهم وجلسوووا ..
وهي تشرب شاهي: تتدرون عاد ليش تأخرت ..
شهد: انا قايله سالفه توك قايمه من النوم ما جأزت لي قولي وش هببتي هالمرة ..
وانا اطقها على راسهآ ووبفمي اكل واتكلم: انتي اسكتي بجيك العلم .. كح كح ..
دعاء: وووجع إن شاء الله لا تتكلمين وبفمك أكل خذي اشربي مويه ..
خذت العلبه منها وقعتيها مرة وحده: احم احم رحت مع وليد لـ بآرنيز ..
شهقوا ..
أنا بغباء: وش فيكم تشهقوووون ....
شهد: مع ولـيد ..
ابتسمت ابتسآمتي الكرتونيه: ايه والله طلع اخوي ابن حلال ..
شهد: لالالا ماصدق ولـــ ــــيد وداك لـ بآرنيز ..
وهي تكمل دعاء: ولا بالأحلام أصلا شكلك تضحكين علينا ..
وانا اضحك على اشكآلهم المصدومه: وش فيكم والله العظيم هو وداني لـ بآرنيز يآ حافظ وش بلاكم ..
شهد: وانا قايله الاخت وين راحت .. زين وبعدها
ريم: الله يسلمك بعدها لفينا لما قلت له رجعني لمدرستي الحبيبة ..
شهد: مااااااالت عليك وترجعين ليش ..
ريم بإستهبال: ماتهونون علي ..
دعاء تضربها بعلبه الموبه: حلفي بس ..
ريم: هههههههههههههههه والله .. احححح خلاص سبوني ما انتم وجه نعمه ..
شهد: عداااااال .. اقووول لا يكثر بس ..
ريم: ترى عطيتكم وجه ..
دعاء: لا والله ..
ريم: هههههههههههههه .... امزح يا مال الزواج ..
دعاء وهي ترد تضربها بعلبه المويه: اسحبي دعوة احسن لك ..
ريم: ويا علك بتوأم يطرون راسك وووجع ..
دعاء وشهد: ههههههههههههههههههههههههههههههه ..
ريم: زين زين دام اعلنتوا الحرب عيل انا بطريق وانتم بطريق وقمت ودخلت الفصل ..







أ.إيمان: اهلا بالآنسه ريم ..
ريم توجعت بالسبب الهجوم من شهد ودعاء ..
أ.إيمان: ولا بعد شهد و دعاء .. وين كنتوا ..
شهد ودعاء: ابله كنا بالحمااااااامات الله يكرمكم ..
وانتي آنسة ريم ..
ريم: اللهم طولك ياروووح .. كنت معهم ..
أ.إيمان: زين دخلوااااا .. وذي آخر مرة أحد يدخل بعدي فااااااااااهمين ..
الطالبات: فاهمبن ابله ..


دخلنآاا وكل وحده جلست بمكآنه ..





بنص الحصة

طفشآنه وذي بس تهذر وتعيد والمشكلة ماني فاهمة شيء .. قطعت جزء صغير من ورقة وكتبتهآا وطبقتها ورميتهاا على دعاء ..
اللي قرأتها ..
بدأت أمثل وأنا امسك بطني: آآآآآآآآآآآآآآآآآي بطنــــــي اهـــــــئ ..
شهد: ريوووووووم حبيبتي وش فيك ..
أ.إيمان: ريم وش فيك ومن ايش بطنك يعورك ..
ريم: آآآآآه بس ابي الحمام ..
أ.إيمان: زين قومي ..
ريم: آآآآآآآه ما اقدر ..
شهد: ابله بروح معهااا ..
ريم: ايه آآآآآآآآآآه ..
أ.إيمان: زين رووووحي ..
خرجوا شهد وريم ودخلوا الحمام ..
شهد: انت من صدقك ..
ريم وهي تبكي: آآآآآآآآه والله مدري بس جد يعورني .. بدخل الحمام أنا ..
شهد: ياخوفي حبل الكذب صغير .. ريووووووووم تسمعيني ..
ريم: اهــــــئ والله مدري وش فيني ..
شهد: لاتحلفين وانتي ووجهك بالحمام ..
ريم: اهــــئ مغص ..
دعاء: وينها ريم ..؟
شهد: اهــــــئ البنت ممغوصه ..
دعاء: من جدك انتي ..
شهد: ايه .. ريوووووووم تسمعيني ..
ريم: آآآآآآه شهود اهــــــئ ابي امي ..
شهد: طيب طيب الحين ادق عليها .. دعاء خليك عندهااا ..











وبكذا انتهت السآلفه الاولى من سوالف ريم ..

اتمنى انها اعجبتكم ..


بقلمي:
سوآلف ريومه .!












عرض البوم صور سوألف ريومه   الرد مع إقتباس
المشاركة في الموضوع

خيارات الموضوع بحث في هذا الموضوع
بحث في هذا الموضوع:

بحث متقدم
طريقة العرض

الإنتقال السريع

-----------------






جميع الأوقات بتوقيت السعودية. الساعة الآن » 11:05 AM.


Powered by vBulletin® Version 3.8.7
Copyright ©2000 - 2017, Jelsoft Enterprises Ltd عشقان
جميع ما يكتب لا يعبر عن رأيي إدارة المنتدى والمشرفين
 
جميع مواد الموقع من صور ومعلومات محفوظة جميع الآراء و المشاركات المنشورة تمثل وجهة نظر كاتبتها فقط , و لا تمثل بأي حال من الأحوال وجهة نظر الشبكة والمنتدى .