 |
  |
{.. منتديــات عشقان .. حيث للحب و العشق معنـا عنوان ..}
| |||||||
 الإهداءات |
آخر 10 مشاركات
|
 |
| | LinkBack | خيارات الموضوع | طريقة العرض |
| |
| |
{.. منتديــات عشقان .. حيث للحب و العشق معنـا عنوان ..}
| |||||||
| الإهداءات |
|
آخر 10 مشاركات
|
|
| | LinkBack | خيارات الموضوع | طريقة العرض |
03-20-2008, 11:23 AM
| #1 |
| عشقان  .gif) |  !¦[•.. آه من قـــلب (ن) غدا ح ــبه جنـــونـي..•]¦! .. عذاب الحب ينهيني وانا مالي سواكـ انسان بكيت ودمعي بعيني من المخطي من الغلطان .. .. يموت الحب بيديني مثل موت الشجر عطشان ابي منك تواسيني حياتي لو دريت احزان .. .. حرام انك تخليني مثل قصه بلاعنوان . . يسعــد لي صــباحـــكم / مســائــكم بكل انــــواع الــــوروود ..! اشــــــحالــــكم كــــلن بحــــاله ..؟! . . .. من أحـــلى القصص الي قــٍريتـــها .. قصه آه من قـــلب (ن) غدا ح ــبه جنـــونـي .. صح انــه القــصه يــديدهـ ... وتوهــا نازلــه ع الســـاحه الفنيــــه للقصـــص .. لكـــــن القصـــه روووووعه وووايـــــــــــــــد حبيبتـــها ... وهــاي القصــه قصـــه رومانسيـــه .. وان شاء الله تعيبــكم شـــرات ما عيبتنيــه .. . . على ايــام البرد و الهوا القويه من شدتها تقطع الشيـر ,, و صوت البرق والرعد القوي ,, والامطار الغزير ,, و الجو البــارد من الخـاطر ,, ولا طيـر يطيـر فـ هالجو من كثر ما هوه يخوف ,, وعلى صوت الصُراخ و الصيـاح ,, كان في واحد يكرهه بنتـه لـدرجه انه يضربها كل يوم ,, ويدعي عليها بـ الموت كل يوم ,, ويضربها من شدة الضرب ساعات الدم ينـزل ,, خلوني اعرفكم ع البنيـه ,, فطـامي ,, عمرها 18 ,, ثالث ثانوي آخر سنه ,, على نيتها و مالها خص فحـد ,, طيبـة و قلبها ابيض وتحب الكل ,, ونفس الوقت مظلومــة ,, جمالها رباني طالعه على امها ,, جمالها جمال الهنـود ,, شعرها طويل لين ركبتها اسود سواد الليل وغليض ,, عيونها وســاااع و سود ,, بشرتها بيضا هب وايد بس اوكيه ,, واللي محلنها غمزاتها الخفيفه ,, و خدها اللي ع كل شي يحمر لووول ,, وخاصه يوم تستحي .. و حبة الخـال اللي على خدها ,, مغززه شويه ,, وعليها جسم ماشالله عليها ,, وصوتها العذاب ,, بس يوم تبا تضارب تضارب صدق لانه محد يسلم من لسانها بس يوم تعصب اكثر شي ,, امهـا متوفيه يوم يابتها ,, وعقب تزوج ابوهـا وكان فـ خاطره انه فطوم تكون الولد ,, و من جي يكره فطوم ,, و ام فطـامي هنديـه وكانت حليوه و فطـامي تاخذ من امها وايد بس طبعاً فطـامي احلى ,, ومرت ابوها ماتحبها لانها تغار من فطـامي و بجمالها الربـاني .. . . واخيرن ترقبــوا الـجزء الأول .. السموحه .. ( اذا تبون تشوفون الجزء الاول خبروني .. لا تنسوووووووووون ^^ ) |
|  |
|
03-20-2008, 09:04 PM
| #2 |
| دُلوّعة ِقطـٍر   | يـــجــــزيــــج ربــــي يــــابـــعـــدهـــمـ وانــا اتــريـــي الـــجـــزء الاول لان شــكــل القـصــه غـــاويـــه |
|
| |
|
03-21-2008, 08:26 PM
| #3 | |||||||||||||||||||||||
| عشقان |
فدييتج و الله ... تاابعيني لعيوونج الجزء الاوول .... | |||||||||||||||||||||||
|
| |
|
03-21-2008, 08:27 PM
| #4 |
| عشقان | الجـــــزء الاولى .. ابى اشوف اذا فيه متابعين عشان اكمل القصة ولى لا ؟؟ !¦[•..آآه من قلــب (ن) غدا حبه جنوني..•]¦! . . الجـــزء الأول .. . . :: يـوم الخميــس :: . على صوت اذان الفير كانت فطـامي ناشه عليه ,, وعقب سارت تاخذ شاور و وعت ابوها و مرت ابوها و عقب سارت اتصــلي و تقرالها كمن آيه ,, ويوم خلصت حضرت الريـوق و دخنت البيت و عدلته و نظفته ,, كــل يوم على هالحـاله ,, وهيه صابره ,, وعلى الساعه 6 ونص .. سارت فطـامي تلبس ثيـاب المدرسه و لفت شعرها الطويـل و حطت جحال خفيف و حطت شيلتها على راسها و نزلــت تحت ,, شافت ابوها و مرته ,, فطـامي: السـلام عليكم ,, صبـاح الخيـر ,, بو فطـامي + ايمان ((اللي هيه مرت بو فطـامي )) : وعليكم السلام ,, فطـامي : شحالك ابويه ؟ شحالج عموه ؟و حبتهم على راسهم بو فطـامي : يسرج ايمـان : كنت بخيـر فطـامي حطت فخاطرها و سكتت و جان تسير تشوف التيلفزيون شويه ,, ويوم خلص ابوها من الريوق شافها بعدها ماسارت المدرسه ,, بو فطـامي : انتي بعدج ماسرتي المدرسه ؟!! فطـامي : ليش ابويه تباني اسير الحيـن !! محد فالمدرسه !! بو فطـامي : مالي خص مسودة الويـه ان شفتج عقب الساعه 7 الا ربع فالبيت ماتلومين الا عمرج فاااهمه !! فطـامي انقهرت و بدون ماتحس قالت : ابويه شو تباني اسير اخم المدرسه من الحين ,, حرام عليك اذا انته ماتباني ايلس وياكم قولي بسير برع لين ما تستوي 7 !! بو فطـامي يمط شعرها و يوقفهـا : والله و طول لسانج يا بنت الهنديه ,, ماتستحين على ويهج ,, وهوه يضربها ,, انا ابوج تقوليلي هالرمسه هاا ,, ويضربها بالقو,, ان طولتي لسانج مره ثانيه ماتلومين الا عمرج بذبحج بايدي فاهمه و يهدها على الارض ,, فطـامي والدموع فعيونها : مشكــور ابويه ,, ايمـان : تستاهل بنت اللذين ماتستحي .. بو فطـامي : والله لا اعيشها الليل نهار و نهار ليل !! ايمـان : خلاص الغالي ريح ولا تشيل هم خلها تولي ,, فطـامي تسمع الكلام و تحس جنه حد يطعن قلبها و سارت فوق تسحي شعرها و عدلت عمرها وتذكرت الجاكيت الوردي هديه من ربيعتها لبسته ,, ونزلت تحت و سارت المدرسه ,, على فكره ترا فطوم تسير المدرسه مشي لانه المدرسه هب بعيده وايد ,, تمت تمشي لين ما وصلت المدرســه فاضيه و يمكـن 20 بنت فالمدرسه بس ,, تمت فالصـف هيه اول وحده ,, وعقب 10 دقايق بـدّو البنات ايون المدرسه ,, اصـلا هم مداومين بس عشان يشوفون النتــائج ,, ودقايق جان اوصلون عليـا و مريـم ,, هييل خوات بالرضاعه و عقب بتعرفون زياده عنهم ^_^ ايلسون ويا فطـامي 3 فالصف عدال البعض ,, شافو فطـامي حاطه راسها على الطاوله ,, سيده سارو صوبها عليا : باسم الله عليج شوفيج !! فطـامي و هيه ترفع راسها : ها لا مافيني شي !! مريم : شو مافيج شي و خدج احمر و شفايفج فيها دم !! عليا : شو مسوي ابوج بعد الله لا يسامح العدو اففف ياربيه فطووم 600 مره قلنالج تعالي عيشي ويانا ... جان تقاطع فطـامي كلامها : شو قلنا علايه !! مريم : خلاص عليا ,, قومي فديتج سيري الحمام !! سارو الحمام و يابو ثلج من المطبخ و تمت فطـامي تقولهم السالفه وهيه تصيح وهم يهدون فيها ,, كانو سايـرين المدرسه عشـان يشوفون النتـايج ,, فطـامي : ياويل حالي انا 95,3 فديتني شطوره .. مريوم : وانا 93,1 عليـا : ههه وانا 91,2 فطـامي : الله وناااااااسه ,, مريوم : الف مبروك حبايبي ,, فطـامي وعليـا : الله يبارك فيج ,, وعقب روحو سارو البيـت ,, مريوم و علييا ,, فرحو اهلهم بـ النسب اللي ترفع الرااس ,, فطـامي وسارت البيت مشي كل العاده ,, جان تدخل البيت و بسرعه المطبخ خذتلها تفاحتين و ماي و شرده فوق ,, ماتبا ابوها ولا ايمان يشوفونها عن يحتشرون ,, سار فطوم تغسلت و صلت و كلت التفاحتين ,, كل يوم على هالحال نادراً تاكل اكل يشبع ,, بس الحمدالله ماكانــت تشكي من هالاكـل كل يوم تحمـد ربها ,, سارت طاحت ع الشبريــه ,, سارت الحمام بتغسل جسمها بس شافت الماي بارد ,, فغيرت رايها و دقايق تسمع صوت المطر الخفيف و خذت الكرسي و يلست فالبلكونه ,, و حجرت فطوم مجابله الشارع تقدر تشوف الساير و الراد عاد هيه تحب تطمش عليهم ,, :: صوب مريم وعليـا :: مريم : اقولج عليـوه شو رايج نسير المول ؟ و ناخذ فطـامي ويانا بمناسبة النسب الحلوه عليا : هيه والله بس بيوافق ابوها >> وهيه حايسه بوزها مريم : والله لا ايب راسه هههه بس تريي عليه بخبر اميه و بييج سارت مريوم فوق تخبر امها عشان يسيرون المول ,, مريم : اقووول ماماتي عادي نسير المول ؟؟ ام مريم: ويا منو ان شاء الله ؟ مريم : ماماتي لاتعصبين انزين انا و فطـامي و عليوه بليييييز وتسوي عمرها تغمض .. ام مريم: لادام فطامي بتسير حافظنكم الله مريم : تسلمين ماماتي طلعت من الحجره و هيه فرحانه و تنزل من الدري بسرعه زين ما طاحت عليا : ايييه شوي شوي ,, ها شو قالت ؟ مريم : اكيد مابتقول لا هههههه عليا : يلا عيـل قردني الشيبه مريم : افا عليج ,, جان تتصل .. فبيت بو فطامي ترن ترن ,, ترن ترن ,, بو فطـامي : ألوو مريم بدلع : السلام عليكم بو فطـامي : وعليكم مريم فخاطره وغــد بس براويك : شحالك عميه شخبارك انا مريم الـ ****** بو فطـامي : هلا والله بالغاليه مريم الريم ,, شحالج الغاليه شخبارج و شحال ابوج و امج ؟ مريم فخاطرها مالت والله يسرك الحال عميه كلهم بخيـــر ما يشكـون بـأس ,, بو فطـامي : يا حيالله بالغاليه .. مريم : الله يحييك اقول عميه ممكن ارمس فطامي شويه ؟ بو فطـامي : اكيد فديتج ,, وهوه يناديها ,, فطووم ,, فطوووم و صمخ فطـامي وهيه نازله من الدري : ها ها ابويه آمر ,, بو فطـامي : اندوج ربيعتج تباج ,, فطـامي : الو مريوم : مالت ع الحظ اللي انتي فيه .. بتخبرج قولي حق ابوج عادي تسيرين ويانا المول ؟ فطـامي فخاطرها تضحك على مريوم كان صوتها يضحك : ههههه ,, آآ ها مادري تعالي خبريه اندوج ,, بو فطـامي : يا الخديه بلاااج ؟؟ فطـامي : تباك .. بو فطـامي : آمري الغاليه ؟؟ مريوم : آآأأ عميه ممكن طلب صغنووني ؟ بو فطـامي : آمري الغاليه عيوني لج ؟ مريوم بصوت خفيف مالت على هالعم يوم جي من زينك ماباها عيونك تخوف .. عليـا : ايييه انجبي و تضربها ع جتفها .. مريوم : وابويه آآآآ .. اقول عميه عادي نودي فطوووم ويانا المول ؟؟ بو فطـامي : افا عليج الغلا عادي اكيد و خذو راحتكم بعد افا عليج انتي بس اندوج فطوم .. فطـامي : الو مريوم : هع هع هع واخيراً .. فطـامي : غربلات هالضحكه بو فطـامي : اقول فطوم انا بسير ويا حرمتي بيت اهلها .. ماوصيج اذا عطوج بيزات عطيني وياهم انا أولى .. فطـامي فخاطرها ونعم الأب الصراحه الله وياكم .. بو فطـامي : ايمااااان يلا تاخرنا ايمان : يلا ييت ييت بو فطـامي: يلا فمان الله فطـامي : فداعة الله طــاااااخ >> الباب .. فطـامي : واخيراَ ما اصدق ههههه .. مريم : افا عليج والله لا اقردنه كل يوم عيل يضربج و لا يظهرج ماعليج كل ما ظهرنا مكان بنوديج افا عليج انتي شرات اختنا و اكثر ,, فطـامي : فديتكم والله |
|
| |
|
03-23-2008, 01:04 AM
| #5 | |||||||||
| مشرف القصص والروايات   |
| |||||||||
|
| |
|
03-24-2008, 09:23 PM
| #6 |
| دُلوّعة ِقطـٍر |  سلمتي ع الجزء المطروح والله لا يحرمنا من جديدج  |
|
| |
|
03-27-2008, 09:17 PM
| #7 |
| مشرفة الاقسام النسائية  | |
|
| |
|
| خيارات الموضوع | |
| طريقة العرض | |
|
|
النمط الخطي
