يا صديقي تكفى هات للوضع تفسير

سطام · #1 01-10-2009, 04:29 AM


	الله مـن قلـبٍ همومـه مزابـيـر لاقبل ظلام الليل والعالـم اهجـوع اسهر وفكـري غـارقٍ بالتفاكيـر في وحلها فكري طريـحٍ ومنقـوع ياكن في جاشي سيـوفٍ مشاطيـر سيفٍ يقص وسيف يطعن وقاطـوع كسير مـا ظنـي ألاقـي تجابيـر ماعاد كسري يقدره قلب واضلوع الحزن شيّـد فـي حياتـي نوافيـر ابفورة الاحزان حايـر ومصفـوع من عقب جو الليل بافراحنا امنيـر اليوم ماله بالفـرح ضـي وشمـوع أونّ واتبـع نبـرة الـونّ بالسيـر اسير في درب المتهـات مفجـوع على فـراق الزيـن زاه الخواصيـر غروٍ فراقه منه انا عشـت مليـوع العنق عنق الريـم زيـن التشابيـر عنق المها خالي شحم منـه منـزوع والشعر كنّـه ليـل خالـي تناويـر ساكن وانا في سكنت الليل مرموع والجسم متناسق بديـع التصاويـر سبحان ربٍ جمّله زيـن واطبـوع ماهيب من ربعي ولاهـم مقاصيـر لكنّ هذا الحب ننطاع لـه طـوع ويارايحٍ لا خـلــي عطـه التخابيـر قله وضع سطام خطيـرٍ ومصـروع قلبه صويب ادموع عينـه محاديـر يبغى وصال الزين لكـنّ مقمـوع ياصديقي تكفى هات للوضع تفسير هو ليه حبل الوصل ياصديقي مقطوع هو ليه هجر الزين مثـل السواطيـر يضرب على الافراح وايلوعني لوع نبغى المشوره وشهي افضل تدابيـر للي يريد الوصـل لكـنّ ممنـوع وآخر ماقوله لك جروحي مغاويـر والليل كله ساهره هـم وادمـوع ـــ ـــ ـــ ـــ تحياتي سطام ـــ ـــ ـــ ـــ

ღ(مرهۈنہ قلبهہ)ღ · #2 01-10-2009, 05:11 AM

والجسم متناسق بديـع التصاويـر
سبحان ربٍ جمّله زيـن واطبـوع
ماهيب من ربعي ولاهـم مقاصيـر
لكنّ هذا الحب ننطاع لـه طـوع
ويارايحٍ لا خـلــي عطـه التخابيـر
قله وضع سطام خطيـرٍ ومصـروع

صح السانك .. ع القصيدهـ الطيبه
لاهنت يالغالي ع الطرح الغاوي ..
بـ نتضار كل جديدك ..

سطام · #3 01-10-2009, 05:23 AM


	ღ(مرهۈنہ قلبهہ)ღ الله يعطيك الف عافيه يا الغلا ع المرور العطــر دمــتـــ بـــود ــــــي

المنسي ف · #4 01-10-2009, 03:56 PM

سطام قصيدة راائعة وجميلة جدا

وكاتبها ارووع

عسى الله يرزقك به ومن نصيبة تصير......ويصير خلك لناضرك مرجوع

تحياتي لك

سلاااااااااااااااام

kDoosh · #5 01-12-2009, 06:45 PM

|| دائمآآآ مبدع في

قصائدكـ يعطيك الف
عافيــة ع الطرح
المميز دمتى مبدع ||

ماعاد كسري يقدره قلب واضلوع
الحزن شيّـد فـي حياتـي نوافيـر
ابفورة الاحزان حايـر ومصفـوع
من عقب جو الليل بافراحنا امنيـر

يا صديقي تكفى هات للوضع تفسير

للإبحار في عالم الشعر والشعراء والنثر والخواطر الأدبية