دمعة افراق..........

آسيـر الشوق · #1 02-22-2009, 12:29 PM

يا دمعتي سيلي على بيض الأوراق
خل القلم يكتب بدمعي قصيده

لكن حسافه تنهمل دمعه أفراق
وانتي على خبري من أول شديده

الوقت ذا مافيه حب(ن) ولا أشواق
وانتي على النٌيه تعشقين سيده

شوفي الذي حبه سكن داخل أعماق
عايش ترى بعدك بدنيا جديده

الوقت ما يرحم ولا عاد ينطاق
كل (ن) يغني في هوى ما يريده

وانا شعوري من الوله تو ما فاق
للحين يكتب في سماه البعيده

قصه كتبها خافقي بين عشاق
أبطالها قلبي / ونبضي / وريده

مات الخفوق اللي من العام مشتاق
وتندفن فيه المشاعر شهيده

عزاه يا قلب(ن) من الهم ما ذاق
ما هز فنجال(ن) ولا هز أيده

يا كود أصبر خاطري كل ما ضاق
جبت القلم وأكتب هموم بقصيده

أصبحت أنا ورد(ن) ومقطوعه الساق
مات بضماه ولا لقى من يفيده

تعبت أنادي في زمن كله نفاق
لا الطيب ينفع في قلوب(ن) جحيده

ناس(ن) مظاهرها على كل الاذواق
ولا مخابرها لك الله بليده

تمشي ورى حب المصالح والارزاق
وللمال دايم يا فهد هم عبيده

والدين علمنا على حسن الاخلاق
والله خلق هالكون بأحسن عقيده

وسلامتكم ..

اتمـــنى تنال اعجابكم