فقدك يا نظر عيني عساك بخير طمني ... خذاني الوقت يا عمري وغيرك من يسليني
تذكر حبي الجامح تذكر كيف تكتبني ... الملم باقي شتاتي ترى الأشعار تبكيني
أشوف الحب يجمعنا حبيبي كيف تقتلني ... أضمك حيل يا غالي فراقك كيف يدميني
أهيم اليوم في وصلك حبيبي كيف تحضني ... أحس البرد يذبحني دخيلك حيل دفيني
أنادي حلمي العابر عساه اليوم يسمعني ... فجأة يختفي حلمي يعود الحزن يكسيني
يطيب القلب بوجودك حبيبي كيف تتعبني... تعاند حبي الطاهر تراه اليوم يشقيني
قلبك كيف يسمح لك حبيبي ليه تسجني ... أنا المسجون في قلبك كسبت الحب بيديني
رهنت العمر لعيونك حسافة كيف تظلمني... ترفق يوم تلقاني أضمك حيل يا عمري
للشاعر / سالم السرهيد
مع تحياتي وأتمنى تنال إعجابكم
...فقدتك...
النمط الخطي
